Grabeng kasadya ro nabatyagan it mga Argentinian matapos nga magdaog ro andang national football team sa knockout game kontra sa Australia.
Suno kay Bombo International Correspondent Gretchen Rodriguez nga positibo sanda nga mahimo it andang koponan nga ginapangunahan it football star nga si Leonil Messi nga makasueod sa finals.
Mabatyagan man sigon ro suporta it mga pumueoyo kada nagahampang ro koponan kung siin ro magpamilya hay nagaprepara it maabu nga pagkaon ag nagasuksok pa it jersey.
Kaeabanan pa sigon sa mga kompaniya hay ginapasugtan nga magleave sa trabaho ro mga empleyado kung may hampang ro national football team.Ro sports nga football hay masyadong popular sa andang nasyon rason nga maabu ro nagaka-interes kaeakip ro mainit nga suporta it bilog nga nasyon.
