KALIBO, Aklan—Ginbatikos it grupong Bagong Alyansang Makabayan ukon Bayan Aklan ro ginaduso nga Maharlika Wealth Fund it gobyerno.
Suno kay Mr. Kim Sin Tugna, provincial coordinator it Bayan Aklan nga kwarta it tawo ro andang pagagamiton ag bukon raya it eksakto bangud nga maskin ro mga contributors hay uwa nagapasugot sa plano it gobyerno.
Dapat suno kana nga pagatutukan it gobyerno ro ibang problema it nasyon ag ro nasambit nga proposisyon hay bukon it urgent ag inde raya makabulig sa presenteng krisis nga ginapangatubang it nasyon.
Madumduman nga ginpahayag it pilang mamalidha nga mas mabahoe ro ginaeauang pagakitaon it gobyerno kon igakumpara sa individual investments nga ginasueod it GFI’s gamit ro andang investible funds.
Ro pagakitaon it MWF, hay imaw man ro pagagamiton para sa mga programa ag proyekto it gobyerno.
