KALIBO, Aklan—Nagapati ro sangka football enthusiasts nga mabahoe ro chansa it Spain nga magpangibabaw kontra Morocco sa andang pag-atubang hinduna sa nagapadayun nga round of 16 sa FIFA world cup 2022.
Suno kay Bombo International Correspondent Catalino Balderama Jr., it Qatar nga owa pa naka-agi it pierde ro Spain daywang beses nga pag-atubang nanda it Morocco sa nagtaliwan nga mga dinag-on nga pagpasakop sa FIFA.
Sa pihak nga parte, mabahoe man ro anang pagpati nga magadaog ro Portugal kontra sa Switzerland bangud sa mga dekalibreng players nga kaibahan kara partikular si Cristiano Ronaldo.
Raya hay sa nakataeana nga pag-atubang it daywang koponan hinduna para sa knockout stage.
Sa pihak nga parte, ginkalipay ni Balderama nga maswerte imaw nga naka-ibahan sa haeos 20,000 nga mga ginbo-oe nga volunteers ukon ginatawag nga spectators services sa FIFA 2022 sa Lusail Iconic Stadium.
Suno kana nga na-assign imaw sa information point ukon tagatau it kinahangean nga impormasyon it mga tumaean-aw.
Raya suno kana ro rason kon ham-an nga pirme imaw nga nataw-an it chansa nga makasaksi sa mga hampang.
Sa nasambit nga stadium man sigon pagahiwaton ro final game ag closing ceremony it FIFA world cup 2022.
