Suportado it Asian Football Confederation (AFC) ro uman nga pagpadaeagan ni Gianni Infantino bilang pangueo it Fédération Internationale de Football Association (FIFA).
Raya ro ginpahayag ni AFC President Sheikh Salman bin Ibrahim Al-Khalifa sa anang imbukada nga diskurso sa sangka kongreso sa Tokyo, Japan.
Nauna eon nga ginsuportahan ni Sheikh Salman ro plano ni Infantino nga ibaligya sa mga pribadong kapitalista ro commercial rights it mga torneo it FIFA, kaibahan ro World Cup.
Sa pihak kara, kaibahan man si Sheikh Salman sa mga opisyal nga nagpirma sa sangka open letter nga nagakwestiyon sa planong FIFA Forward Enterprise (FFE), nga ginakabig nga sangka “fundamental breach of trust.”
Nakataeana ro eleksyon sa Marso para sa termino it pangueo it FIFA nga magabuhay hasta sa 2031.
