Haeos indi pa makapati ro akeanon nga si Khio Jerick Donguines Jumarang matapos nga nagpanguna sa December 2022 Physical Therapist Licensure Examination sa rating nga 89.30% nga ginpatigayon it Professional Regulation Commission.
Sa interview it bombo radyo kalibo, aminado si Jumarang nga nagtaeana imaw it goal para sa anang kaugalingon, apang owa ginaeauman nga maga-top 1 sa nasambit nga eksaminasyon.
Ko adlaw suno kana nga igapaguwa ro resulta hay owa anay imaw nagbukas it anang cellphone bangud sa koeba nga nabatyagan.
Kat magdesisyon nga uman nga buksan ro anang cellphone hay nakibot imaw sa sunud-sunod nga mensahe nga nabaton nga naga-congratulate kana.
Ro pinakasekreto sigon nana sa pag angkon it kadaeg-an sa kabuhi hay ro pag-balanse sa anang pagtuon ag sa hobby.
Samtang, pilit nana nga ginatama ro misconcepcion it iba nga ro physical therapists ag manughilot hay sambilog eamang.
Si Khio hay nag-eskwela it elementarya ag high school sa aklan ag nagkolehiyo sa University of the East Ramon Magsaysay Memorial Medical Center sa metro manila.
Kaibahan sa anang plano hay mag-proceed sa medicine.
Naga abot sa 1,186 nga examiners halin sa 1,981 nga takers ro nakapasa sa eksaminasyon nga ginpatigayon ko Dec. 1-2, 2022.
Si Khio hay unga ni Mrs. Khara Donguines Jumarang ag apo ni Mrs. Remia Donguines.
