Nakaeosot eon sa ikaywang pagbasa it sangguniang panlalawigan sa ginpatigayon nga session ro proposed budget it Aklan provincial government para sa dag-on 2023.
Raya hay matapos ro ginpatigayon nga mga deliberasyon it natungdan nga komitiba it sangguniang panlalawigan ag mga nagkaeain-eain nga departament heads.
Kapin sa P2.626 bilyon pesos ro proposed budget para sa nasambit nga dag-on nga may temang “Strengthen Resilience Towards Recovery”.
Sa nasambit nga pondo, igataeana raya sa mga programa ag proyekto it gobyerno probinsyal para sa pagrekober it probinsya halin sa pagkalugi tuga it pandemya.
Nauna eon nga ginapabugae it probinsya nga kita hay sangka billionaire province bangud nga may makarundaya kita kabahoe nga pondo para mapadaeagan ro probinsya.
Mabahoe nga pondo ro halin sa local income para sa masunod nga dag-on bangud nga 14% eamang ro tax allocation maghalin sa national government.
