Posibleng umpisahan eon sa buean it Pebrero sa masunod nga dag-on ro deliberasyon it Senado angot sa Maharlika Investment Fund (MIF) bill.
Ginhimo ni Senate President Juan Miguel Zubiri ro pahayag samtang ginahueat it Senado ro pinal nga bersyon it House of Representatives.
Bangud ro mga sesyon hay ginpaiway sa parehong kapueungan it Kongreso.
Ginpahayag dugang ni Zubiri nga ro tanan nga mga ginproponer nga laye nga ginpasa it Mababang Kapulungan hay posible eamang ihalin ukon i-refer sa Senado sa Enero 23, 2023.
Pagkatapos kara , ginahayag it pinuno it Senado nga ro proposisyon nga gin-aprubahan it Kamara hay maga-agi sa unang pagbasa pagkatapos hay igarefer raya sa indi magnaba sa ap-at nga komite, partikular eon ro committee on banks, financial institutions, ag ro mga currencies, nga magiging lead panel, ag ro mga komite sa mga korporasyon it gobyerno ag mga pampublikong negosyo; ways and means; ag pananalapi bilang pangaywang komite.
Gin-insister man ni Zubiri nga ro bilis it pagpasa it Maharlika Investment Fund (MIF) bill hay depende sa kung paano magasabat si Villar sa mga deliberasyon sa hagna.
Nauna eon nga ginpahayag ni Zubiri kay Pangueong Ferdinand “Bongbong” Marcos Jr. Nga igapaidaeom sa hugot nga talakayan sa mataas nga kamara ro proposisyong laye it Maharlika Investment Fund (MIF).
Samtang, ko Huwebes, ginpasa it House of Representatives sa pangatlo ag huling pagbasa ro Maharlika Investment Fund (MIF)bill.
