Ginpasiguro ni Pangueong Ferdinand Marcos, Jr sa publiko nga bastante ro suplay it bugas sa nasyon apisar nga pagabuhinan eon it nasyon ro importasyon it produkto.
Sa anang surprise inspection sa bodega it National Food Authority (NFA) sa Valenzuela City, ginpahayag ni Marcos nga bastante pa ro stock it bugas it ahensya hasta sa puntong ro pila hay puwedi pa nga ibaligya sa mga stall it “Kadiwa” sa haegang P25 kada kilo.
Nauna eon nga nagromisa ro Pangueo nga iganaba ro presyo it bugas sa P20 kada kilo sa tyempo ir anan kampanya sa eleksiyon.
Samtang, nagapabilin nga limitado ro P25 kada kilo it bugas nga ginabaligya sa mga Kadiwa outlet.
Apang suno pa sa Pangueo nga puweding ipadayon it gobyerno ro pagbaligya it bugas sa pamaagi it Kadiwa stalls bangud bastante eon ro stock.
Ginsiguro it Marcos administration nga ginabantayan man ro produksyon it bugas makaron nga nabuhinan eon it nasyon ro kaabo it gina-angkat nga bugas.
