Mainit nga gina-istoryahan makaron sa Espanya ro pagtao it “paid menstrual leave” sa mga kababayin-an nga nakaka-eksperyensya it dysmenorrhea ukon pagsakit it pus-on kada buean.
Suno kay Bombo International Correspondent Maria Edzel Lamparero Lopez it Madrid, Spain nga ginahueat eon lang it mga babaye nga maaprubahan ro nasambit nga laye.
Engkaso nga maipatuman, kinahang-ean eamang nga mag-adto sa doktor it mga babaye nga nakakabatyag it dysmenorrhea ag kung mapamatud-an ro sakit hay pwede sanda nga mataw-an it certificate para maging kwalipikado nga magbaton it “paid menstrual leave”.
Raya hay valid sa sueod it tatlong adlaw apang posibleng mapaeawig depende sa kondisyon it babaye.
Nasayuran nga nakabuoe it suporta sa mga mamalidha it Spain ro nasambit nga proposiyong laye.
Aprubado eon raya sa unang pagbasa matapos nga makabuoe it boto nga 190 nga pabor, 154 ro owa nagpabor ag limang abstention.
Ro Spain ro kauna-unahan nga nasyon sa Europa nga nagsueong nasambit nga laye.
