Nag-eupad aagto it Belarus si Russian President Vladimir Putin kahapon adlaw it Lunes, Disyembre 19.
Raya hay sa tunga it pagkabaeaka nga tuyo it Russia nga I-pressure ro dating Soviet ally kara nga Belarus para makig-alyansa sa bagong opensiba kontra sa Ukriane ag magbilog it sangka bag-ong front.
Ro pagbisita ni Putin kay Belarusian leader Alexander Lukashenko hay kauna-unahan umpisa ko 2019 antes magkapandemiya ag pagsiklab it mga hubeag protesta it Belarusian ko 2020.
Suno kay Ukrainian joint forces commander Serhiy Nayev, paga-istoryahan it daywang lider ro aggressionkontra sa Ukraine ag mas maeapad nga involvement it Belarusian armed forces sa operasyon kara kontra sa Ukraine partikular eon sa ground.
Una eon nga ginpahayag ni Ukraine top General Valery Zaluzhniy ko nakataliwan nga dominggo nga nagapahaom ro Russia it 200,000 nga bag-ong tropa para sa mabahuean nga opensiba nga maga-umpisa sa east south ag maging sa Belarus sa unang parte it Enero.
