Sangka kilaeang hairstylist sa Dubai, United Arab Emirates ro nakabaton it Guinness World Record title para sa kategoryang “Highest Hairstyle”.
Gin-ayusan it Syrian hairstylist nga si Dani Hiswani ro sangka modelo ag gin-obra nga sangka higanteng Christmas tree ro anang buhok.
Suno sa Guinness, may kataason nga 2.90 meters (9 feet 6.5 inches) ro gin-obrang buhok it bag-ong title holder.
Ginpasuksok ro modelo it helmet nga may tatlong saesaeon nga tubo bilang suporta sa mataas nga hairstyle.
Naggamit si Hiswani it maabung wig ag hair extension para mapataas ro buhok it modelo.
Nagbutang man it mga dekorasyon kapareho it Christmas balls agud nga mas pang mag itsura raya nga Christmas tree.
Si Hiswani hay kilaeang hairstylist sa Dubai ag masobra sa daywang dekada eon imaw sa raya nga patag .
Sa makaron, ginsueod man ni Hiswani ro fashion design ag ginadungan nana makaron ro pagdesenyo it eambong ag pag-obra it mga kakaibang hairstyle.
