Most wanted nga Mafia boss sa Italy nga si Matteo Messina Denaro naaresto it  mga otoridad

Naaresto eon it mga otoridad  ro ginakabig nga  most wanted sa Italy nga si Matteo Messina Denaro.

Si Denaro hay sambilog  sa mga boss  it  Cosa Nostra Mafia sa Sicily nga gin-aresto samtang nagapabueong sa sangka   klinika sa Palermo, Italy.

Nasayuran nga umpisa pa ko  1993 hay nagapanago eon imaw nga  ginkonsidera it  Europool bilang most wanted sa Europa.

Ginpaidaeoman  it  life imprisonment si Denaro ko 1992 bangud  sa pagpatay sa anti-Mafia prosecutors nga sanday Giovanni Falcone ag Paolo Borsellino.

Samtang, kilaea imaw bilang  si Diabolik nga nagbaylo sa puwesto ni Bernardo Provenzano nga naaresto sa guwa it  Corleone, Sicily ko  Abril 2006.