Gindagsa it maabong tawo ro selebrasyon it Ibajay Ati-Ati Festival 2023.
Ginsaksihan it mga deboto ni Sr. Sto. Niño de Ibajay ro pilgrim’s mass nga ginpangunahan ni Bishop Corazon Talaoc it Diocese of Kalibo.
Kasunod kara ro ginpatigayon nga float parade nga ginpasakupan it mga natungdan nga barangay it banwa.
Ro kaugalingon nga bersyon it selebrasyon it kapyestahan ni Sr. Sto. Niño de Ibajay hay ginadayo it mga deboto, bisita ag turista bangud sa unique kara nga parada ag ro tradisyunal nga sadsad sa kalye.
Raya hay matapos nga purong native ro mga custome nga makit-an sa mga tribu ag grupo nga naghalin pa sa nagkaeain-eain nga barangay.
Una kara, naging bisita si Vice President Sara Duterte-Carpio sa nasambit nga kahiwatan kon sa siin nagserbe imaw nga sambilog sa mga naging hurado sa kompetisyon sa sad-sad sa kalye it mga nagpasakop nga grupo ag tribu.
Kapin sa 200 man ro augmented PNP personnel nga nagsikyar sa seguridad it mga merrymakers mag-eowas pa sa numero it ibang force multipliers para maangkon ro malinong ag matawhay nga selebrasyon it Ibajay Ati-Ati Festival 2023.
