KALIBO, Aklan—Naga-abot eon sa 641 ro kabilugan nga nagparehistro sa banwa it Kalibo umpisa nga nag-resume ro voter’s registration ko nagtaliwan nga Disyembre 2022 para sa Barangay ag Sangguniang Kabataan (SK) elections.
Suno kay Atty. Christian Itulid, Election Officer it banwa it Kalibo nga halin sa nasambit nga numero, 151 kara ro new registrant samtang 109 ro regular.
Ginpaathag it opisyal nga umpisa hin-aga, Enero 24 hay maga-setup sanda it registration sa entablado it Magsaysagy Park agud nga ma-akomodar ro tanan nga gustong magparehistro.
Gin-engganyo man kara ro mga pumueoyo eabi eon ro owa pa nakaparehistro nga mag-adto eon sa andang opisina ag kalitan ro mga nabilin nga adlaw.
Bukas ro mga opisina it Commission on Elections (Comelec) halin Lunes hasta Sabado kaeakip ro holiday umpisa alas-8:00 it agahon hasta alas-5:00 it hapon.
Nakataeana nga magtapos ro voter’s registration sa Enero 31.
Ro komisyon hay bukas sa pagbaton it mga gustong magparehistro, transfer, correction of entry, change status ag reactivation.
