Pagahinyuon it Commission on Elections (Comelec) sa Kongreso nga dugangan it P3 billion para taasan ro honoraria it mga manugturo nga magaserbi sa Barangay ag Sangguniang Kabataan sa Oktubre it presenteng dag-on.
Naga-eaum si Comelec Chairman George Garcia nga sa pangaywa hasta sa pangatlong dominggo it Pebrero hay maiga-apela raya sa Kongreso antes ro nakataeanang pag-adjourn it Kongreso sa buean it Marso rason nga nagakadapat eon nga maigaduso ro hagna nga supplemental budget.
Una eon nga ginpahayag ni Garcia nga owa it umento sa honoraria it mga manugturo matapos nga owa ginpaboran ro P10 billion nga ginrekomenda it komisyon para sa nasambit nga eleksyon matapos nga ipaiway ko nagtaliwan nga dag-on.
Suno kay Comelec chair Garcia, magapabilin ro igatao nga honoraria nga P6,000 para sa electoral board chairman, P5000 para sa mga miyembro ag ro ibang precinct workers mat0a hay sa P4,000.
Samtang, kapin sa P2.7 billion ro dugang nga pondo nga gin-aprubahan para sa Barangay ag Sangguniang kabataan election.
