Sangka 41-anyos nga eaeaki sa China ro nagakita it mabahoe sa pag-online selling it high heeled shoes bangud nga imaw mismo ro naga-model it mga raya.
Suno sa sangka research, ro online live selling hay sangka multi-billion industry sa China.
Bangud kara, masyadong hugut ro kompetisyon ag kinahangean nga mag-isip it kakaibang gimik para makabaligya it paninda ro mga online live sellers.
Sambilog sa nakapukaw it atensyon it Chinese netizens makaron bangud sa unique nana nga gimik hay ro online seller nga may username nga “Uncle Wu”.
Nag-viral imaw matapos nga imaw mismo ro nagamodelo it mga paninda nana nga pangbabaying sapatos nga matataas ro takong!
Mag-eowas nga gusto nana nga magpakuwela sa netizens, naisipan nana nga imaw mismo ro mag-model it high heeled shoes para ipakita sa potential buyers nga matibay ro anang mga baligya nga sapatos.
Bangud sa kakaibang gimik ngara, naga abot sa 1.2 million ro anang subscribrs ag nag abot sa 6 million yuan ro anang monthly sales.
Suno kay Uncle Wu it sangka local news agency, bukon it raya ro unang venture kara sa online selling.
Gintestingan eon nana nga magbaligya kato it cake apang owa raya naging madinaeag-on.
Gintestingan nana nga uman nga magbaligya online it kurtina apang raya hay nalugi.
Sa ikatlo nana nga pag-try nga magbaligya it sapatos, naging madinaeag-on raya sa bulig it unique nga gimik ag owa it pagkataka nga kumpiyansa sa kaugalingon .
