Pasado eon sa ikaywang pagbasa it House of Representatives ro House Bill No. 6574, ukon ro hagna nga “Basic Education Mental Health and Well-Being Promotion Act.”
Tuyo it nasambit nga hagna nga iduso ro emosyonal, sikolohikal ag mental health it mga estudyante ag mga manugturo, para andang mapa-umwad ro andang classrooms ag kahauman sa pagtuon.
Kaibahan kara ro mga estudyante nga may problema sa laye, mga estudyante nga may posibilidad it pagpundo sa pagtuon, mga biktima it Violence Against Women and Children ag mga biktima it mga kapareho it pag-abuso sa pamatan-on ag mga aktong kriminal.
Kaeakip sa mga nagapangunang probisyon it hagna hay ro pagbilog it taeatapan para sa mental health and well-being nga igapaidaeom sa gobyerno ag pagadumaeahan it Department of Education (DepEd) sa kada school division sa bilog nga nasyon.
Angot kara, magaarkila ag magapakalhit man it mga mental health professionals, para ro kada pampublikong eskwelahan , mga institusyong vocational, ag mga taeatapan hay makaangkon it mental health professionals ukon mental health service providers.
