Asian development bank,   magapa-utang  sa  Pilipinas  it  $500-million dollars  

Gin-aprubahan eon it Asian Development Bank (ADB) ro $500-milyon dollars  ukon katumbas it  P27.2 bilyon  pesos  nga policy-based loan para suportahan ro gobyerno  sa pagsabat  sa epekto it pandemya sa trabaho, pangabuhian ag  labor market.

Ginpahayag it ADB nga pagabuligan kara ro mga negosyo nga makabalik sa normal  kamana man ro pagtukod it mga pangabuhian para sa mga displaced workers  agud nga makabalik ro mga raya sa labor market sa idaeum  it  post-COVID-19 Business and Employment Recovery Program.

Nasayuran nga sambilog ro Pilipinas sa pinaka apektado it employment decline ko kasagsagan it pandemya kun sa  siin nag abot  sa   4.2% ro unemployment rate ko November 2022.