Ginpaathag ni Foreign Affairs Secretary Enrique Manalo nga “rock solid” ro alyansa sa tunga it Estados Unidos ag Pilipinas.
Raya hay matapos ro pagbisita ni US Defense Secretary Lloyd Austin III kasunod it anunsyo kara nga mapaeapad pa ro “base access” nga magatao it daean sa masobra pa nga presensya it Washington sa nasyon.
Gintawag man kara nga “iron clad” ukon bakal ro promisa it Estados Unidos sa seguridad it Pilipinas.
Ro Washington sigon ro pinakamagueang nga kaalyado ukon ally it Asya.
Ro pagbisita it mataas nga opisyal it Estados Unidos hay matapos ro pilang mataas nga klase it pagpueong sa tunga it Estados Unidos ag Pilipinas, kaibahan ro pagbisita ni US Vice President Kamala Harris ag pakikipag-angot sa tunga nanday Pangueong Ferdinand “Bongbong” Marcos Jr. ag US President Joe Biden.
Kung madumduman , naging maeas-ay ro relasyon sa tunga it Maynila ag Washington sa panyempo it Duterte administration bangud sa pakigpueong kara sa China, nga nagahangkat sa katawhayan, seguridad, ag kahilwayan sa pagpangisda sa mga trade-critical waters it West Philippine Sea.
