May sangkiri nga paghueag makaron sa presyo it pilang ka mga klase it isda sa merkado publiko.
Suno kay Rose De Lapas sangka fish vendor sa Kalibo Public Market nga bukon makaron it bastante ro suplay it pilang ka mga isda bangud sa indi makapanaw ro mga mangingisda tuga man it mabaskog nga baeod sa kaeawran.
Ginpahayag dugang pa kara nga owa sigon ga paeariho ro andang presyohanay sa mga isda bangud masami nga nagataas-naba ro tao kanda it andang supplier.
Kung amat sigon sa Roxas pa maghalin ro mga suplay it isda apang masami nga sa New Washington sigon imaw nagaboue it anang baligya.
Sa makaron, gaabot eon sigon ro andang baealigyaan sa maintok nga danggit it kapin sa P400 kada kilo samtang P450 man sa maeagko; Lapu-lapu nga nagabalor it P600 kada kilo kamana man ro mamsa ag mamagat nga gaabot man sa P600 kada kilo.
Sa pihak kara, nagapabilin man sa dati nandang mga presyo ro ibang klase it mga isda sa merkado publiko
