Arestado ro 26-anyos nga sangka eaeaki matapos nga nadakpan sa akto nga nagapanakaw bandang alas-1:30 kaina it aga-aga sa bahin it Sitio Bantud Brgy. Manoc-manoc sa isla it Boracay.
Ginkilaea ro suspek kay Jay-r Pallarna ag residente it Sitio Cagban Brgy. Manoc-manoc.
Base sa inisyal nga imbestigasyon it Boaracay Municipal Police Station nalipatan nga masaraduhan ro nasambit nga baraka rason nga hasueod it suspek.
Mismong ro tag-iya nga si Susanie Teodosio, 43-anyos sigon ro nakadakop sa suspek matapos nga makabati it pilang ka mga sangag ag kat masikyar ro lugar hay naaktuhan ro suspek nga nagapanakaw maghalin sa benta it baraka.
Ginkabuligan sigon it bilog nga pamilya ro suspek rason nga insigidang naaresto.
Naboue sa posisyon ag kontrol it suspek ro sinsilyuhon nga nagabalor it kapin sa P445.
Sa makaron, sa paghinakop eon it Boracay Municipal police station para sa nagakaigo nga disposisyon.
