Nakaangkon it “constructive and fruitful” nga talakayan ro mga senador it Pilipinas ag mga nagbisitang miyembro it European Parliament sa nagkaeain-eain nga isyu sa tawhanong kinamatarong, eabi eon ro imbestigasyon it International Criminal Court (ICC) sa war on drugs ni dating Pangueong Rodrigo Duterte.
Raya hay ginpakigbahin nanday Senator Francis Tolentino ag Hannah Neumann nga lider it delegasyon it European Parliament, sa sangka press conference pagkatapos it pagpueong sa tunga it mga miyembro it Senate justice ag human rights committee ag it mga miyembro it European Parliament.
Suno kay Nuemann, gintalakay man ro iba pang mga isyu it tawhanong kinamatarong ag sa tan-aw sigon nana hay sangka madinaeag-on nga pagpueong sa tunga it Pilipinas ag nasambit nga parliyamento.
Samtang, suno kay Tolentino nga napabilin nandang owa it hurisdiksyon ro International Criminal Court sa Pilipinas ag ginpaathag ro parte it nasyon sa isyu it Extra Judicial Killings ukon EJK.
