Ginbatikos it bagong alyansang makabayan ukon Bayan-Aklan ro pag-apruba it House Commitee on Constitutional Amendments sa commitee report it Resolution of Both Houses nga nagasueong it Constitutional Convention ukon ConCon nga pamaagi sa pagrebisa sa 1987 Philippine Constitution.
Suno kay Kim Sin Tugna, provincial chairperson it Bayan-Aklan nga ro mga kongresista ag senador nga nagaduso kara ro may kaugalingon nga interes bangud nga kaeabanan kanda hay mga nagapanag-iya it mga maeapad nga eugta sa nasyon ag mabahoe nga negosyo nga may kasosyo nga mga dumueuong.
Pila sa mga ginaduso sa charter change hay ro pagpasugot sa mga dumueuong nga kapitalista nga syento porsiyento nga magpanag-iya it eugta sa pilipinas .
Gindugang pa ni Tugna nga paborabli ro nasambit nga tikang sa mga sueok nga opisyal bangud sa posibilidad nga mapaeawig ro andang termino.
Samtang, bukon suno kana it yabe ro cha-cha agud nga maresolba ro problema sa ekonomiya.
Kinahangean suno kana makaron ro matuod nga reporma sa eugta ag ro pag angkon it national industrialization ag iba pa agud nga indi eon magsalig sa importasyon nga nagapatay sa pangabuhian it mangunguma
