Todo panawagan ro pilang transport group nga kinahangean i-revise anay it administrasyon ni Pangueong Ferdinand Marcos Jr. ro public utility vehicle ukon PUV modernization program it gobyerno antes raya eubusan nga maigapatuman.
Suno sa pilang transport group magatuga eamang ro programa it mas kalisod sa maintok nga driver ag operator.
Sa idaeom it PUV modernization program, ro mga tradisyunal nga pampasaherong jeep hay pagabue-on eon sa kalye ukon igapatuman eon ro jeepney modernization sa nagahilapit nga Hunyo 30 kung indi raya magasueod sa kooperatiba.
Nauna eon gin-aprubahan it Land Transportation Franchising and Regulatory Board ukon LTFRB ro memorandum circuler 2023-013 nga nagpahayag eon ro mga traditional jeepneys nga maga-intra sa “consolidated entities kapareho it kooperatiba ukon korporasyon hay makaangkon it provisional authorities nga extended hasta December 31, 2023.
Ro consolidated entities hay dapat mag loan it modern electronic jeepneys sa mga financial institutions.
Sa idaeom man it Department of Transportations Department Order 2017-011 ukon Omnubus Franchising Guidelines, mandato it traditional jeepney operators nga igasurender ro andang individual franchise para magpartisipar sa sangka Fleet Management System nga nagamandu kanda nga magbakae it 15 imported minibus kada ruta nga igatao kanda.
