Sangka jeep ag motorsiklo ro natigayon nga magbungguan bandang alas-7 it pang-orason kabi-e sa may bahin it Brgy. Calangcang sa banwa it Makato.
Sandig sa imbestigasyon it Makato Municipal Police Station, nag-overtake sigon ro jeep nga ginamanehar ni Jovel Manares, 43-anyos sakay ro anang asawa ag limang dag-on nga onga kat matabo ro aksidente.
Owa sigon kara natueopangdan ro kasubeang nga motorsiklo nga ginamanehar ni Aljun Tubal, 23-anyos ag residente it Brgy. Poblacion, Makato rason nga nagbungguan gid ro daywang behikulo.
Angot kara, ginrespondehan it MDRRMO Makato ro nasambit nga aksidente ag insigidang gindaea sa ospital si Tubal para sa nagakaigo nga pagbueong.
Samtang, nasayuran man nga sa idaeom it makahieilong nga ilimnon si Tubal kat natabo ro aksidente.
Sa makaron owa pa naka-istorya ro magtimbang nga parte para sa nagakaigong disposisyon
