Uwa pa it ginpatigayon nga coordinating conference sa tunga it Aklan Police Provincial Office ukon APPO ag Department of Education ukon DepEd angot sa igapatigayon nga Western Visayas Regional Athletic Association Meet 2023 kon sa siin ro probinsya it Aklan ro host makaron nga dag-on.
Suno kay PSSgt. Jane Vega, assistant public information officer it Aklan PPO nga ginaekspektar nanda nga sa inde magbuhay hay magapapanaog eon man it mando angot sa seguridad para sa nasambit nga aktibdad.
Angot kara, haom sigon ro andang linyada bangud nga may nakalatag eon man sandang security framework nga pagasundan sa oras nga makaangkon eon it coordination meeting sa tunga it DepEd ag kapulisyahan.
Nasayuran nga ro WVRAA Meet 2023 hay igapatigayon halin Abril 24 hasta 28
