Sangka eaeaki sa Manchester, England ro nakaangkon it instant six-pack abs nga owa it kagaoy-gaoy matapos magpa-tattoo it realistic abdominal muscles sa anang tiyan!
Nag-viral ag umani it 247,000 likes ro sangka video it tattoo artist nga si Dean Gunther kun sa siin ginbutangan nana ro sangka kliyente it matsa matuod nga six-pack abs tattoo.
Suno kay Gunther, nag abot sa tattoo parlor nana nga Colour Realism Tattoos ro owa ginpangaeanan nga kliyente ag ginhambae kara nga gusto nana nga makaangkon it abs apang owa imaw it oras para mag-workout sa gym.
Insigidang ginbaton ni Gunther ro request it kliyente bangud nga mabuhay eon nana nga gustong magtattoo it abs.
May nakita eon imaw nga ibang tattoo artist nga naghimo kara apang bukon it realistic rason nga na-challenge imaw nga raya hay obrahon nga haeos 3D ag matuod ro effect.
Bangud mabusisi ag kumplikado ro disenyo, inabot it daywang session antes nga nakumpleto ro abs tattoo.
Maskin nga inabot it daywang adlaw, naging worth it man raya para sa kliyente ag para man kay Gunther.
Suno sa kliyente, okay eang kana nga magbuhay it daywang adlaw ro pagta-tattoo sa anang abs bangud nga mas madasig ag madali gihapon raya kumpara sa pagpahueas sa gym.
