Kasunod it sigidas nga pag-inuean ko nagtaliwan nga mga binuean, haeos katunga ro kapyerdihon it mga mangunguma sa andang ani makaron nga cropping season.
Raya ro pagkumpirma ni Punong Barangay ag Farmers Association President Nelson Repeidad it Linabuan Norte, Kalibo matapos nga imaw mismo nakaeksperyensyahan it raya nga kapyerdihan.
Mag-eowas suno kana nga mahae ro abono, pestisidyo, bayad sa tawo ag kon ginaarkilahan pa ro ueomhan hay inde eon makabawi ro pilang ka sako nga paeay nga ginansya halin sa panguma.
Ginpahayag dugang it Kapitan nga sambilog pa sa nagpakalisod hay tumba ro mga paeay tuga it mabaskog ag sigidas nga hangin kon sa siin uwa eon it mahunos nga manug-gaeab kon hapay ro mga paeay.
Inde man sigon raya magamitan it harvester rason nga nabatyagan gid nanda ro kalugihan sa pagpanguma makaron nga cropping.
