Nagkasugot ro Pilipinas ag China nga paga-istoryahan ro andang mga kinaibahan ag pagadumaeahan ro mga issue sa West Ph Sea sa pamaagi it “friendly consultations,” suno sa Department of Foreign Affairs (DFA).
Nasayuran nga ro magtimbang nga parte hay nag-explore it mga pamaagi para iduso ro maritime cooperation.
Gintalakay man it magtimbang nga parte ro kada posisyon sa 2016 Arbitral Award sa West Ph Sea kaeakip ro nagkaeain-eain nga insidente sa nasambit nga kaeawran nga ginatutukan maghalin pa ko 2021.
Ro mga bag-ong inisyatiba hay gintalakay man kapareho it pag-ensayo ag pagbilog it kapasidad sa aquaculture ag marine environment cooperation.
Sa makaron, ro daywang nasyon hay nakapakig-angotan sa kada isaea para maayos ro mga isyu partikular eon ro mga issue sa West Philippine Sea.
