KALIBO, Aklan—Magapatuman it Oplan Ligtas Biyahe ro Land Transportation Office ukon LTO angot sa nagahilapit nga pagdumdum it Semana Santa.
Suno kay Engr. Marlon Velez, hepe it LTO-Aklan nga magabutang sanda it mga public assistance center sa nagkaeain-eain nga mga terminal ag iba pang mga strategic nga lugar.
Ginpahayag dugang nga makita man ro andang mga tawuhan sa mga nagapangunang karsadahon agud nga magtau it seguridad sa mga biyahero kamana man ro pagdakop sa mga naga-eabag sa batas trapiko.
Sa random road side inspection hay paga-usisaon kon road worthy ro mga nagabiyahe nga saeakyan particular ro pagsekyar sa preno, kariton ag iba pa.
Nag abiso man sigon sanda sa mga bus company ag iba pang transport group nga dugangan ro andang mga nagabiyahe nga unit agud nga ma-accommodate ro ginaeauman nga pagbuhos it mga pasahero partikular sa isla it Boracay.
