Gin-aku ni House Speaker Ferdinand Martin Romualdez ro responsibilidad nga pagadumaeahan ro interes it ikatlong distrito it Negros Oriental matapos nga masuspendi si Rep. Arnolfo Teves nga representante kara sa House of Representatives.
Raya hay sandig sa Memorandum Order No. 19-017 nga ginpaguwa it Kamara nga may petsang March 23,2023.
Si Speaker Romualdez hay magiging caretaker it distrito ni Teves hasta sa May 22,2023, matapos ro 60 days suspension nga ginpapanaog sa mamalidha.
Si Teves hay ginsuspendi it Kamara matapos nga mapas-eawang makauli sa nasyon apisar nga expired eon ro travel authority kara.
Madumduman nga ginaduso man ro mamalidha sa pagpatay kay Negros Oriental Gov. Roel Degamo.
Ro pagbutang it caretaker sa sangka distrito hay dati eon nga ginapatigayon it Kamara kung naduea ro sangka miyembro kara sa nagkaeain-eain nga rason kapareho it pagkataeana sa Gabinete, suspensyon, ukon pagkasibak.
Sa makaron, ro Kongreso hay presenteng naka-Lenten break hasta sa Mayo 7.
