Men’s volleyball team it nasyon makasabak eon sa SEA Games

Makasabak eon ro Philippine mens volleyball team sa 32nd Southeast Asian Games sa Cambodia sa buean it Mayo.

Raya hay matapos nga uwa sanda nakaibahan sa listahan it SEA Games Organizing Committee kat ginpatigayon nanda ro pag-drawlots it andang groupings.

Ginpahayag ni Philippine Olympic Committee (POC) president Abraham Tolentino nga insigida sandang nag-apela sa organizing committee.

Ginpasugtan sanda it organizing committee nga makapasakop ag magpatigayon it uman it re-draw.

Ginpasaeamatan ni Tolentino ro Asiad Federation council ag ro Cambodia SEA Games Organizing Committee.

Nakaangkon eamang sigon it problema sa input encoding rason nga uwa nakaibahan ro men’s volleyball team it nasyon.