Ginareklamo makaron it mga Overseas Filipino Workers ukon OFW’s sa nasyon it Sudan ro sistema it embahada sa komunikasyon pag-abot sa repatration.
Suno kay Bombo International Correspondent Bernard Comia it Khartoum, Sudan nga nakakademoralize ro sabat kanda it embahada kon sa siin mag-eowas nga gin-abisuhan sanda nga magpabilin sa indoors hay mag-usoy sanda it bus nga masakyan paadto it port of Sudan.
Suno kana, mismong si Overseas Workers Welfare Administration (OWWA) chief Arnell Ignacio ro nakaistorya nanda nga posible nanda nga mahimo.// nabudlayan eon sigon sanda nga makahueag makaron bangud sa andang presenteng sitwasyon.
Maskin nga may ceasefire hay uwa gihapon it untat ro andang pagbantay eabi eon sa gabie bangud nga talamak eon ro panakawan it mga armadong tawo.
Mas doble sigon ro andang kahaldlok nga nabatyagan makaron rason nga nagapamilit sanda nga mabuligan eagi it gobyerno nga madaea sa mas eowas nga lugar.
Uwa eon sigon sanda it maboe-an it pagkaon bangud nga haeos tanan nga establisyimento hay nagsarado eon.
Ro hinyo eon lang nanda makaron sa gobyerno it Pilipinas hay mapadasigan ro pagproseso sa pagbakwit kanda.
Si Comia hay kapin sa 18-anyos eon nga nagapangabuhi sa nasambit nga nasyon.
