Ginkalipay ag ginpasaeamatan it delegasyon it probinsya it Antique ro mainit ag masinadyahon nga pagbaton kanda it Aklan National High School for Arts and Trades ukon ANHSAT bilang andang billeting school para sa igapatigayon nga Western Visayas Regional Athletic Association ukon WVRAA Meet 2023 nga maga-umpisa makaron nga adlaw it Miyerkules, Abril 26 hasta it 30.
Suno kay Antique school’s division superintendent Mr. Nicasio Frio, kabilugan nga 746 ro andang delegasyon nga ginakaeakipan it 440 athletes, commitees, coaches ag trainors.
Angot kara, ro concern nanda ko una hay ro supply it tubi kon sa siin anda man raya nga naintindihan eabi eon kon magdueoeongan tanan hay nagahina ro pressure it tubi.
Apang, gilayon man sigon nga nagtao it assistance kanda ro Bureau of Fire Protection ukon BFP.
Sa pihak kara, ginpasiguro ni Mr. Frio nga preparado eon ro tanan sa andang koponan sa opening ceremony hinduna it hapon nga igapatigayon sa Calangcang Sports Complex.
Excited eon sigon ro tanan nga atleta nga sumabak sa nagkaeain-eain nga sporting events agud nga maipakita ro resulta it andang mga training nga ginhimo.
Samtang, ginaeauman ro mga matag-as nga opisyal maghalin sa Antique nga magasaksi sa opening ceremony it regional event
