Opisyal eon nga ginlunsar ni Kalibo Mayor Juris Sucro ro kauna-unahan ag kaugalingon kara nga Special Weapons and Tactics (SWAT) Team.
Raya hay para mas masikyar pagid ro katawhayan ag kasoehayan sa nagapadayon nga pag-umwad ag pagbahoe it populasyon sa banwa it Kalibo.
Nauna eon nga ginproponer ni Sangguniang Bayan Member Ronald Marte nga makaangkon ro banwa it Kalibo it kaugalingon nga SWAT team, bilang raya hay sangka Class A municipality.
Mag-eowas kara hay ginpaathag ni SB Member Marte nga kadungan it amat-amat nga pagbangon it turismo hay ro pagbalik man it mga international flights sa banwa it Kalibo rason nga nagakatiempo eamang sigon nga makaangkon eon kita iya it kaugalingon nga SWAT team.
Raya hay para mapabilin ro kaeowasan it tanan nga pumueuyo kamana man ro mga magabisita sa banwa it Kalibo ag sa bilog nga probinsya it Aklan.
