Owa eon it kabuhi nga nasapwan ro sangka PWD nga eaeaki matapos nga utason kara ro kaugalingon nga kabuhi sa may bahin it Sitio Balanghai Brgy. Yapak sa Isla it Boracay.
Sandig sa inisyal nga imbestigasyon it Malay Municipal Police Station nga bandang alas -3:30 kahapon it pang-orason kat nakabaton sanda it tawag maghalin sa sangka concerned citizen angot sa nasapwan nga sangka bangkay it eaeaki.
Ginapahayag nga bandang alas 2:30 it hapon kat nataeupangdan it mga residente sa nasambit nga lugar ro patay nga eawas it biktima.
Ginkilaea ro biktima kay Rey de Juan 30-anyos, sangka PWD ag residente it Zone 2, Brgy. Yapak, Boracay.
Sa makaron nagapadayon pa ro ginapatigayon nga imbestigasyon it Malay PNP angot sa insidente para matumod kung ano ro rason sa likod it nasambit nga pagpakamatay.
Samtang, kon may problema ka nga ginaangkon ag gusto mo it kaistorya, pwede kang magtawag sa National Center for Mental Health Crisis Hotline (NCMH-USAP) sa numero nga 0917-899-USAP (8727) ukon sa 7-989-USAP (8727) kamana man sa Hopeline PH 24/7 hotline numbers nga 0917-558-4673; 0918-873-4673 ukon 291.
