Ginpahalin it Philadelphia 76ers ro andang head coach nga si Doc Rivers matapos ro tatlong season.
Gindaea ni Rivers ro koponan sa Eastern Conference semifinals sa kada tatlong seasons.
Pinakaulihi hay kat pyerdihon sanda it Boston Celtics sa score nga 112-88 sa Game 7.
Ginpahayag ni 76ers president of basketball operations Daryl Morey, nga mabahoe ro respeto kara kay Rivers nga sangka madinaeag-on nga coaches sa kasaysayan it NBA ag future hall of famer coach.
Ginpasaeamatan nana ro serbisyo ni Rivers ag masakit ro nasambitang desisyon kon sa siin nagdesisyon eon ro bilog nga board it Sixers.
Pila sa mga napusuan makaron it Sixers nga ibueos hay sanday Mike Budenholzer, Sam Cassell, Mike D’Antoni, Nick Nurse, Frank Vogel ag Monty Williams.
Ro 61-anyos nga si Rivers hay nakilaea sa pagiging coach it Celtics halin 2007-2008 kat mabuoe nanda ro kampeonato kon sa siin idto pa sanday Kevin Garnett, Paul Pierce ag Ray Allen.
