Gindayaw it Department of Energy (DOE) ro Power Sector Assets and Liabilities Management (PSALM) Corporation sa maayos nga pagbaligya ag pagsapribado it Casecnan Hydropower Plant sa Muñoz, Nueva Ejica.
Raya hay kasunod sa pag-award sa kompanyang Fresh River Lakes Corporation it nasambit nga hydro plant sa balor nga $526 million dollars agud nga maisapribado eon ro operasyon it nasambit nga kapin sa 165 megawatts hydropower plant.
Suno kay DOE Secretary Raphael Lotilla, raya hay sangka pamatuod nga padayun nga ginasabat it DOE ro pag-angkon it mas supisyenteng supply it enerhiya sa nasyon kabulig ro private sector para sa pag operate it mga power plant sa nasyon.
Ro Casecnan Hydropower Plant hay sangka river type hydro power plant nga 60 percent nga ginapanag-iyahan it National Irrigation Administration (NIA) samtang ro 40% man hay ana it PSALM.
