KALIBO, Aklan—Ginlaygayan ni Lt. Val Ernie Daitao, Station Commander it CGS-Aklan, ro mga pumueoyo eabi eon ro mga mangingisda nga likawan anay ro pagpaeawod.
Tuyo kara nga malikawan ro anumang insidente sa eawod eabi pa ag nagapadayun ro pagpanaeasa it Tropical Depression Dodong sa pilang parte it nasyon.
Angot kara, nagapabilin gihapon sa Tabon port paadto it Tambisaan port vice versa ro rota it mga motorbanca patabok sa isla it Boracay matapos raya nga temporaryong ginsaylo it Coast Guard Station (CGS)-Aklan umpisa ko Hulyo 12.
Raya hay kasunod it mabaskog nga baeod tuga it maeain nga tyempo.
Samtang, ro mga water sports activities sa front beach hay temporary nga ginsaylo sa Bulabod area it Brgy. Balabag umpisa ko Hulyo 11.
Sa makaron, presenteng nakaka-eksperyensya it magaeumon nga kaeangitan ag pag-uean ro probinsya it Aklan.
