KALIBO, Aklan—Ginapanan-aw ni Mr. Harvey Reloj, presidente it Brgy. Lapnag farmers association sa banwa it Banga nga posibleng nahaluan it kolor pamulitika ro Registry System for Basic Sectors in Agriculture ukon RSBSA form nga ginapanupod sa mga mangunguma.
Mag-eowas kara, posibleng nakaangkon man it kasaypanan ro Department of Agriculture ukon DA sa pagpanupod it nasambit nga pormas.
Raya hay matapos nga maabo ro nagpaabot it reklamo sa nasambit nga barangay nga uwa ginpirmahan it andang punong barangay ro pormas it mga mangunguma agud nga maipasa eon sa natungdan nga ahensya it gobyerno.
Ginpaathag ni Reloj nga ro nasambit nga pormas hay para sa mga farmer workers ukon cultivators nga ginpaagi sa barangay ag ro asignatory kara hay ro mismong kapitan.
Sa makaron suno kana hay uwa pa it paathag sa mga indibidwal nga nagareklamo ro punong barangay eabi eon ag may deadline ro pagpasa it nasambit nga dokumento.
