KALIBO, Aklan—Nakaangkon it kahigayunan nga nagkaistorya sanday Pangueong Fedinand Marcos Jr. ag US Vice President Kamala Harris sa sidelines it Association of Southeast Asian Summit and Related Summits nga ginpatigayon sa Jakarta, Indonesia.
Suno kay Bombo International Correspondent Greg Aguilar it California, USA, natalakay it daywang lider ro maritime security environment sa West Philippine Sea.
Parehong nag-commit sigon ro daywa para sa rules-based international order kon siin nagkasugot kaibahan ro mga miyembro it ASEAN para mapaumwad ro bilateral maritime cooperation agud nga mapabaskog pa gid ro kalakalan ag pataguyod it kalinungan ag kaumwaran sa rehiyon.
Ginpahayag dugang Aguilar nga uman sigon nga gin-insister ni VP Harris ro nauna eon nga commitment it Amerika sa maritime security kaibahan ro malig-on nga alliance commitment sa Pilipinas ag ginpunto ro papel it alyansa sa tunga it Estados Unidos ag Pilipinas sa pagsiguro it hilway, bukas ag maumwad nga Indo-pacific.
