KALIBO, Aklan—-Ginkalipay it Makabayan Bloc ag naging kuntento sanda sa desisyon nga daeayon nga dueaon ro hinyo nga confidential fund ni Vice President Sara Duterte-Carpio para sa Office of the Vice President ag Department of Education.
Suno kay Alliance of Concerned Teachers Patylist Representative France Castro, tama ro ginhimo nga tikang it House of Representatives nga inde pagpaboran ro hinyo it bise presidente ag sa baylo hay ibutang ro nasambit nga kantidad sa iba pang ahensya it gobyerno nga eubus nga nagakinahang-ean it pondo para makahueag ro andang mga programa ag proyekto.
Angot kara, kumpyansa sanda nga inde eon makaeosot sa Senado ro mga hinyo nga confidential fund para sa nasambit nga ahensya.
Madumduman nga ko kan-o eamang kat ginkumpirma it House small committee nga andang ginkakas ro confidential funds sa mga government offices ag departments bilang kaparte it institutional amendments para sa proposisyong 2024 budget kon sa siin naging unanimous ro andang desisyon nga himuon nga zero budget ro confidential and intelligence funds it pilang ahensiya it gobyerno.
