KALIBO, Aklan—Umpisa ko buean it Oktubre, nagatau eon ro Land Transportation Office ukon LTO it drivers license card sa mga naga-renew it andang lisensiya sa probinsiya it Aklan.
Raya ro ginkumpirma ni LTO-Aklan chief Engr. Marlon Velez.
Kadungan kara, nagpangayo imaw it pasaylo sa mga nag-renew it lisensiya ko buean it Mayo hasta it Setyembre bangud nga owa pa it available nga plastic cards para kanda.
Suno kana nga maghueat-hueat pa ro mga owa naisyuhan it plastic cards bangud sa kakueangan ukon bukon pa it bastante ro gina-deliver nga plastic cards sa andang district office.
Base suno kana sa instruction kanda nga ro mga naga-renew eamang ro taw-an it priority agud nga mabawasan ro backlog kamana man ro mga nag-renew ko buean it abril.
Madumduman nga ro mga driver nga nag-renew it lisensiya umpisa ko buean it abril hay gin isyuhan anay it papel nga lisensya bangud sa kawad-an it plastic drivers license.
