KALIBO, Aklan—Ginsaysay ni Bombo International Correspondent Betsy Relente it Toronto, Canada nga maabu nga mga pumueuyu sa andang lugar ro nakibot ag nagkinasadya sa nasaksihan nga makasaysayan nga full solar eclipse .
Suno kana nga raya ro kauna-unahan nga kahigayunan nga nakita nana ro makarondaya nga phenomenon nga ginka-uyaktan it mga tawo nga bantayan gamit ro mga telescopes, cameras ag disposable protective glasses kun sa siin pila sa mga raya hay nagplastar sa Ontario place ukon seaside nga manami sigon nga viewing spot.
Ginpahayag pa ni relente nga sa pagtabon it buean sa adlaw, nasaksihan it mga tawo ro gulping pagdueum it palibot nga pareho it pag angkon it power interruption, naghipos ro mga pispis ag pagguwa it mga bituon sa kaeangitan maskin nga alas-3:00 pa eang it hapon nga nagbuhay it kapin sa 15 minutos .
Nasayuran nga nagsuksok ag naggamit it protective films ro mga tawong nagsaksi sa nasambit nga hitabu bilang pagsunod sa laygay it mga scientists nga indi direktang magtan-aw sa adlaw nga owa it suksok nga proteksyon mag-eowas eon lang kun ro adlaw hay kapin sa 100% eon nga natatakpan it buean agud nga malikawan nga mahalitan ro mga mata.
Samtang, dugang pa ni relente nga naging mayad ro paniempo kat matabu ro solar eclipse.
Ro masunod nga total solar eclipse hay matabu sa 2045.
