Nagpaandam ro sangka Health expert sa tanan nga mga indibidwal nga kaibahan sa high-risk groups angot sa paeag nga daea it mga bag-ong variant it COVID-19.
Kasunod raya sa pagduea it Department of Health sa kabaeaka it publiko angot sa uman nga pagtaas it mga kaso it COVID-19 sa nagkaeain-eain nga parte it nasyon kasunod sa pagtuhaw it mga bag-ong variant.
Apang, laygay ni Philippine College of Physicians president, Dr. Rontgene Solante kinahang-ean gihapon nga maghimo it nagakaigong pagdahan ro mga indibidwal nga kaibahan sa vulnerable population, partikular eon sa mga magueang ag immunocompromised individuals bangud nga sanda sigon ro mga prone nga tamaan it severe COVID-19.
Apang, uman nga ginpunto ni Solante nag ro bag-ong “FLiRT” variant it COVID-19 nga nailista sa ibang nasyon hay bukon it kasing lala it Alpha ag Delta variants nga unang nagtuhaw ko dag-on 2020 ag 2021.
Sa makaron hay uwa pa it naireport nga nagtuga it severe to critical cases sa nasyon ukon sa abroad ro nasambit nga bag-ong variant it Covid-19.
