Kumpiyansa si Esel Flores, port administrator it Caticlan ag Cagban port nga indi maka-apekto sa tourist arrivals ro natabu nga pagpatay ag gina alegar nga paghimueos sa Slovakian tourist nga ginakabig nga isolated case it Philippine National Police.
Suno kay Flores nga sueod-guwa makaron ro nagkaeain-eain nga law enforcement agencies sa Boracay para mataw-an it hustisya ro pagkamatay it turista sa mas madali nga paniempo.
Bangud nga makabig nga seryoso ro nasambit nga insidente hay nagapati imaw nga maskin paalin hay may negatibo raya nga impact sa isla apang owa nagasaeaming sa pangkabilugan nga sitwasyon it peace and order sa lugar.
Nakakalhit suno kana ro mga kapulisan, auxiliary police ag iba pa sa isla ag bilog nga banwa it Malay agud nga taw-an it proteksyon ro mga turista ag publiko kamana man nga mapabilin ro kalinong sa lugar.
Kadungan kara, ginpabugae it opisyal nga mas pa nga nagtaas ro tourist arrivals umpisa enero hasta sa unang daywang domingo it Marso 2025 kumpara sa kaparehong period ko nagtaliwan nga dag-on.
Raya hay sa pihak it uman nga pagtuhaw it eumot ag isyu sa pagkamatay it turistang Slovakian.
