Magabuoe it bag-ong abogado ro gobyerno matapos umatras si solicitor general Menardo Guevarra nga irepresenta ro gobyerno sa korte suprema angot sa ginhimo nga pag aresto kay dating Pangueong Rodrigo Duterte.
Suno kay Palace press officer Usec. Atty. Claire Castro nga importanteng makabuoe sanda it competent nga abogado nga magadepensa sa posisyon it gobyerno sa nasambit nga kaso.
Dugang pa ni Castro, pagahimuon it gobyerno ro tanan nga legal nga remedyo para may magserbeng abogado sa tanan nga respondents sa kaso.
Kaibahan sa respondents sanday Executive Secretary Lucas Bersamin ag Department of Justice Secretary Jesus Crispin Remulla.
Ro pahayag it Palasyo Malacañang hay kasunod it pag atras ni Guevarra nga naghambae nga inde nana epektibong magampanan ro obligasyon bangud sa uwa eon sigon it hurisdiksyon ro ICC sa Pilipinas.
Bangud kara, gin-insister ni Castro nga nagakadapat eamang nga mag-usoy it ibang abogado nga maga-obliga sa nasambit nga obligasyon.
Sa makaron, pagaplanuhan pa eamang sigon makaron kon paano raya ipatuman it gobyerno, kon san-o magabueo it private counsel ukon ano pang ibang remedyong legal ro pwedeng himuon.
