Nagapanawagan ro Philippine Health Insurance Corp. (PhilHealth) sa publiko nga samantalahon ro pinaeawig nga na Animal Bite Treatment (ABT) package kasunod it report it Department of Health nga may 100% fatality rate ro rabies sa nasyon.
Ku 2024, nalista ro 426 kaso it rabies, kun siin 193 ukon 45% hay halin sa angkit it alagang hayop, kaabuan hay uwa it bakuna. Halin 2020 hasta 2024, umabot sa 1,750 ro namatay bangud sa rabies.
Ginpataas it PhilHealth ro ABT package halin PHP3,000 paadto it PHP5,850 para sabton ro post-exposure prophylaxis, kaibahan ro rabies vaccine, immune globulin, wound care, tetanus toxoid, antibiotics, ag iba pang gamit medikal.
Suno kay PhilHealth President Edwin Mercado, ro package hay mabuoe sa masobra 700 accredited providers, ag ginaeauman nga madugangan pa ro numero it mga raya.
Ginpamilit man ro pagpabakuna sa mga alagang hayop bilang proteksyon kontra sa rabies.
Ro Pilipinas hay pang-an’om sa kalibutan sa pinakamaabong kaso it rabies, nga may 60,000 hasta 70,000 nga nareport nga pagkamatay dag-on dag-on.
