NATIONAL News — Ginpapanaog it Department of Agriculture (DA) ro price cap sa imported rice ukon ro ginatawag nga maximum suggested retail price sa P45 per kilo umpisa sa Marso 31.
Suno sa DA, ginpapanaog ro MSRP bangud sa padayun nga pagnaba it presyo it bugas sa world market nga nabuligan pa it pagbaskog it pagbaeayluhan it piso kontra dolyar.
Suno kay Agriculture Secretary Francisco Tiu Laurel Jr., P19 per kilo eon ro gin-naba it presyo it bugas sa retail umpisa ko Enero. Antes nga magpatuman it MSRP sa bugas ko Enero, kapin sa P64 per kilo ro presyo kara sa retail.
Unang ginpatuman it DA ro MSRP ko Enero 22, an-um nga buean matapos pirmahan ro Executive Order No. 62 nga nagpanaba it taripa sa bugas sa 15% halin sa 35%.
Napas-eawan nga mapanaba kara ro presyo it bugas sa P6-P7 per kilo kapareho it gina-insister it mga economic manager. Para kay Tiu Laurel, bastante eon ro P10 per kilo nga patong halin sa mga importer ag trader hasta sa mga retailer para sa makatarungan nga kita it tanan.
