NATIONAL News — Nagpanawagan ro Commission on Elections (Comelec) sa mga kandidato nga kon magpangampanya hay kinahangean nga ipatuman nga may respeto ag indi magbinastos sa andang mga speeches.
Raya ro ginpahayag ni Comelec Chairman George Erwin Garcia matapos nga ginpatawag ro sangka local candidate nga nag-viral bangud sa bukon it manami nga joke sa sangka campaign rally.
Suno kay Garcia, owa nanda ginapasugtan ro may binastos nga matabu sa kampanya sa national ukon local candidates man.
Pahayag pa it opisyal, nga may limitasyon dapat ro mga pag-joke eabi eon kon makasakit raya sa sangka grupo ukon sektor.
Ginapapaathag ro kandidato sa pagka-kongresista sa Pasig City nga si Atty. Ian Sia bangud sa anang pag-joke angot sa mga babaye nga single parent sa andang syudad nga suno kana, pwede nga makighieawas kana eabi eon kon gina-regla pa sanda.
Matapos nga ginbatikos, depensa ni Sia nga sangka joke eamang ro anang pahayag ag nagpangayo man imaw it pasaylo sa mga owa naila sa anang paghinangae.
